ಆಧಾರ್ ಕಾರ್ಡ್ ನಲ್ಲಿ ಅಡ್ರೆಸ್ ಬದಲಾಯಿಸಬೇಕೆ..?

Video Description

ಆಧಾರ್ ಕಾರ್ಡ್‌ನಲ್ಲಿ ವಿಳಾಸ ಬದಲಾಯಿಸುವುದು ಹೇಗೆ? ಆಧಾರ್ ಕಾರ್ಡ್ ನಲ್ಲಿ ಅಡ್ರೆಸ್ ಬದಲಾಯಿಸಬೇಕೆ..? ಆಧಾರ್ ಕಾರ್ಡ್ ಇಂದು ದೇಶದ ನಾಗರೀಕರಿಗೆ ಕಡ್ಡಾಯವಾಗಿದ್ದು, ಈ ಹಿನ್ನಲೆಯಲ್ಲಿ ಪ್ರತಿಯೊಬ್ಬರು ಆಧಾರ್ ಕಾರ್ಡ್ ಮಾಡಿಸಿಕೊಳ್ಳಲು ಮುಂದಾಗಿದ್ದಾರೆ. ನಮ್ಮ ವಿಳಾಸಗಳು ಬದಲಾಗುವಂತೆ ಅದನ್ನು ಆಧಾರ್ ಕಾರ್ಡ್ ನಲ್ಲಿ ಆಪ್ ಡೇಟ್ ಮಾಡಬೇಕಾಗಿದ್ದು, ಇದನ್ನು ಆನ್ ಲೈನಿನಲ್ಲಿ ಮಾಡುವುದು ಹೇಗೆ ಎಂದು ತಿಳಿಸಿಕೊಡುವ ಪ್ರಯತ್ನ ಇದಾಗಿದೆ. ಆಧಾರ್‌ ಈಗ ಅತ್ಯಂತ ಪ್ರಮುಖವಾದ ದಾಖಲೆಯಾಗಿದೆ. ಇದು ಈಗ ನಮ್ಮ ಸಂಗಾತಿಯಂತೆ ಸದಾ ಇರಲೇಬೇಕಾದ ಪರಿಸ್ಥಿತಿ ಇದೆ. ಏಕೆಂದರೆ ಎಲ್ಲದ್ದಕ್ಕೂ ಈಗ ಆಧಾರ್‌ ಸಂಖ್ಯೆ ಆಧಾರವಾಗಿದೆ. ಮಹಾನಗರಗಳಲ್ಲಿ ಅಥವಾ ಕೆಲಸ ಅರಸಿ ಬಂದವರು ಮನೆಯನ್ನು ಸದಾ ಬದಲಾಯಿಸುತ್ತಲೇ ಇರುತ್ತಾರೆ. ಹೀಗಾಗಿ ಆಧಾರ್‌ ಕಾರ್ಡ್‌ನಲ್ಲಿಯೂ ವಿಳಾಸ ಬದಲಾವಣೆ ಮಾಡಬೇಕಾಗುತ್ತದೆ. ಆನ್‌ಲೈನ್‌ನಲ್ಲಿಯೇ ಆಧಾರ್‌ ಕಾರ್ಡ್‌ನಲ್ಲಿ ವಿಳಾಸ ಬದಲಾವಣೆ ಅವಕಾಶವೂ ಇದೆ. ಆಧಾರ್‌ನಲ್ಲಿ ಯಾವುದೇ ಬದಲಾವಣೆ ಮಾಡಬೇಕಿದ್ದರೂ ಒನ್‌ ಟೈಮ್‌ ಪಾಸ್‌ವರ್ಡ್‌ ಕಡ್ಡಾಯವಾಗಿ ಹಾಕಬೇಕು. ಆಧಾರ್‌ ನೋಂದಣಿ ಸಮಯದಲ್ಲಿ ನೀಡಿರುವ ಮೊಬೈಲ್‌ ಸಂಖ್ಯೆ ಸರಿಯಾಗಿದೆಯೇ ಎಂಬುದನ್ನು ಪರಿಶೀಲಿಸಿಕೊಳ್ಳುವುದು ಒಳಿತು. ಅದನ್ನು ಹೇಗೆ ಬದಲಾವಣೆ ಮಾಡೋದು ಎಂಬುದರ ಮಾಹಿತಿ ಇಲ್ಲಿದೆ... * ಮೊದಲಿಗೆ ಆಧಾರ್‌ ಆನ್‌ಲೈನ್‌ ಪೋರ್ಟಲ್‌ (UIDAI) ಓಪನ್‌ ಮಾಡಿ. www.uidai.gov.in ವೆಬ್‌ಸೈಟ್‌ಗೆ ಭೇಟಿ ನೀಡಿ. * ನಂತರ ಆಧಾರ್‌ ಸೆಲ್ಫ್‌ ಸರ್ವೀಸ್‌ ಪೋರ್ಟಲ್‌ಗೆ ತೆರಳಿ * ನಂತರ ನಿಮ್ಮ ಆಧಾರ್‌ ಸಂಖ್ಯೆಯನ್ನು ಎಂಟರ್‌ ಮಾಡಿ. ನೋಂದಾಯಿತ ಮೊಬೈಲ್‌ಗೆ ಒನ್‌ ಟೈಮ್‌ ಪಾಸ್‌ವರ್ಡ್‌ (ಒಟಿಪಿ) ಬರುತ್ತದೆ. ಇದನ್ನು ನಮೂದಿಸಿ * ನಂತರ ಸೆಲೆಕ್ಟ್‌ ಫೀಲ್ಡ್‌ ಟು ಅಪ್‌ಡೇಟ್‌ನಲ್ಲಿ ಅಡ್ರೆಸ್‌ (ವಿಳಾಸ) ಸೆಲೆಕ್ಟ್‌ ಮಾಡಿ. * ನಂತರ ವಿಳಾಸವನ್ನು ಸಂಪೂರ್ಣವಾಗಿ ನಮೂದಿಸಿ. ಇಲ್ಲಿ ನೀವು ನಿಮ್ಮ ಹೊಸ ವಿಳಾಸದ ದಾಖಲೆಯನ್ನು ಸ್ಕ್ಯಾನ್‌ ಮಾಡಿ ಅದನ್ನು ಅಪ್‌ಲೋಡ್‌ ಮಾಡಬೇಕಾಗುತ್ತದೆ. (ಇದು ಕಡ್ಡಾಯ) * ಎಲ್ಲ ದಾಖಲೆಗಳನ್ನು ಸಲ್ಲಿಸಿ ಸಬ್‌ಮಿಟ್‌ ಮಾಡಿದ ಮಾಡಿದ ಬಳಿಕ ಅಪ್‌ಡೇಟ್‌ ರಿಕ್ವೆಸ್ಟ್‌ ನಂಬರ್ ದೊರೆಯಲಿದೆ. ಇದನ್ನು ನಂತರ ಸ್ಟೇಟಸ್‌ ಚೆಕ್‌ ಮಾಡಲು ಬಳಸಬೇಕಾಗುತ್ತದೆ. ಆಧಾರ್‌ ಕಾರ್ಡ್‌ನಲ್ಲಿ ವಿಳಾಸ ಬದಲಾವಣೆ ಆದ ನಂತರ ಇ- ಆಧಾರ್ ಕಾರ್ಡ್‌ ಪ್ರಿಂಟ್‌ ಔಟ್‌ ಪಡೆಯಬಹುದು.

Join more than 1 million learners

On Spark.Live, you can learn from Top Trainers right from the comfort of your home, on Live Video. Discover Live Interactive Learning, now.