ಹಾಸಿಗೆ ಹಿಡಿದವರನ್ನು ಆರೈಕೆ ಮಾಡಲು ಇಲ್ಲಿದೆ ಟಿಪ್ಸ್..!

Video Description

ಹಾಸಿಗೆ ಹಿಡಿದವರ ಆರೈಕೆ ಮಾಡುವುದು ಹೇಗೆ? ಹಾಸಿಗೆ ಹಿಡಿದವರನ್ನು ಆರೈಕೆ ಮಾಡಲು ಇಲ್ಲಿದೆ ಟಿಪ್ಸ್..! ಕೆಲವು ರೀತಿಯ ಕಾಯಿಲೆಗಳಿಗೆ, ರೋಗಿಯು ವೇಗವಾಗಿ ಮತ್ತು ಸಂಪೂರ್ಣ ಚೇತರಿಕೆಗಾಗಿ ಸಂಪೂರ್ಣ ಬೆಡ್ ರೆಸ್ಟ್‌ನಲ್ಲಿರಬೇಕು. ಕ್ಷೀಣಗೊಳ್ಳುವ ಕಾಯಿಲೆಗಳಂತಹ ಇತರ ಸಂದರ್ಭಗಳಲ್ಲಿ, ಒಬ್ಬ ವ್ಯಕ್ತಿಯು ಕ್ರಮೇಣ ತಿರುಗಾಡುವ ಸಾಮರ್ಥ್ಯವನ್ನು ಕಳೆದುಕೊಳ್ಳುತ್ತಾನೆ ಮತ್ತು ಹಾಸಿಗೆಯ ಮೇಲೆ ಇರುವುದನ್ನು ನಿರ್ಬಂಧಿಸಲಾಗುತ್ತದೆ. ಹಾಸಿಗೆ ಹಿಡಿದ ರೋಗಿಗಳ ಆರೈಕೆ ಆಗಾಗ್ಗೆ ಕಾಣುವಷ್ಟು ಸುಲಭವಲ್ಲ, ಮತ್ತು ಉತ್ತಮ ಫಲಿತಾಂಶಗಳಿಗಾಗಿ ಉನ್ನತ ಮಟ್ಟದ ಅನುಭೂತಿ, ಜ್ಞಾನ ಮತ್ತು ತಿಳುವಳಿಕೆಯ ಅಗತ್ಯವಿರುತ್ತದೆ. ರೋಗಿಯ ಆರೈಕೆಯನ್ನು ನೀವು ಮಾಡುವಾಗ ಕೋಪ ಅಸಮಾಧಾನಗೊಳ್ಳದೆ ಸೂಕ್ತ ಮುತುವರ್ಜಿಯಿಂದ ಆರೈಕೆ ಮಾಡಬೇಕು. ಪುಟ್ಟ ಕಂದನನ್ನು ನೋಡಿಕೊಳ್ಳುವಂತೆ ನೀವು ರೋಗಿಯ ಆರೈಕೆಯನ್ನು ಮಾಡಬೇಕಾಗುತ್ತದೆ. ಮೊದಲಿಗೆ ಹಾಸಿಗೆ ಹಿಡಿದವರ ಮೇಲೆ ಸಹಾನುಭೂತಿಯನ್ನು ತೋರುವ ಬದಲಿಗೆ ಅವರಿಗೆ ಸ್ಫೂರ್ತಿಯನ್ನು ತುಂಬಿ. ನೀವು ಮೊದಲಿನಂತೆಯೇ ಎದ್ದು ಓಡಾಡಲು ಸಾಧ್ಯ ಎಂಬುದಾಗಿ ಅವರನ್ನು ಹುರಿದುಂಬಿಸಿ. ಅವರ ಸ್ವಚ್ಛತೆಯ ಕಡೆಗೆ ಗಮನ ಹರಿಸಬೇಕು. ಅವರ ಹಾಸಿಗೆಯನ್ನು ನಿತ್ಯವೂ ಬದಲಾಯಿಸುತ್ತಿರಬೇಕು. ಇದರಿಂದ ಅವರಿಗೆ ಮಲಗಲು ಆರಾಮವಾಗಿರುತ್ತದೆ ಮತ್ತು ಸ್ವಚ್ಛವಾಗಿ ಕೂಡ ಇರುತ್ತದೆ. ಜೊತೆಗೆ ಅವರ ದೈಹಿಕ ಆರೈಕೆಯನ್ನು ಕೂಡ ನೀವು ಮಾಡಬೇಕಾಗುತ್ತದೆ. ದಿರಿಸುಗಳನ್ನು ಬದಲಾಯಿಸುವುದು, ತಲೆಬಾಚುವುದು, ಸ್ನಾನ ಮಾಡಿಸುವುದು ಮೊದಲಾದ ಕೆಲಸಗಳನ್ನು ಪ್ರೀತಿಯಿಂದ ಮಾಡಿ ಇದರಿಂದ ಅವರು ಕೂಡ ಹೆಚ್ಚು ಸಮಯ ತೆಗೆದುಕೊಳ್ಳದೆ ಬೇಗನೇ ಚೇತರಿಕೆಯನ್ನು ಪಡೆದುಕೊಳ್ಳುತ್ತಾರೆ. ಅವರನ್ನು ಮಾತಾನಾಡಿಸುತ್ತಿರಿ. ಅವರ ಕೋರಿಕೆಗಳೇನು ಎಂಬುದನ್ನು ಅರಿತುಕೊಳ್ಳಿ ಅವರೊಂದಿಗೆ ಆಪ್ತಸಮಾಲೋಚನೆ ನಡೆಸಿ. ಆದಷ್ಟು ಅವರ ಹಿಂಭಾಗದ ಬೆನ್ನಿಗೆ ಮಸಾಜ್ ಮಾಡಿ. ಏಕೆಂದರೆ ಹೆಚ್ಚಿನ ಸಮಯ ಅವರು ಮಲಗಿಕೊಂಡೇ ಇರುತ್ತಾರೆ ಆದ್ದರಿಂದ ಈ ಭಾಗದಲ್ಲಿ ಅವರಿಗೆ ಹೆಚ್ಚು ಹಿಂಸೆಯುಂಟಾಗುತ್ತದೆ. ನಿಧಾನವಾಗಿ ಸ್ಪರ್ಶಿಸಿ ಮಸಾಜ್ ಮಾಡಿ. ಸಮಯಕ್ಕೆ ಸರಿಯಾಗಿ ಅವರಿಗೆ ಆಹಾರವನ್ನು ನೀಡಿ. ಆಹಾರ ಸೇವಿಸಲು ಅವರಿಗೆ ಕಷ್ಟವಾಗುತ್ತಿದೆ ಎಂದಾದಲ್ಲಿ ಆಹಾರವನ್ನು ನುರಿದು ತಿನ್ನಿಸಿ. ಜೊತೆಗೆ ಪ್ರೊಟೀನ್ ವಿಟಮಿನ್ ಅಂಶಗಳನ್ನು ಅವರ ಆಹಾರದಲ್ಲಿ ನೀವು ಸೇರಿಸಿದ್ದೀರಿ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಮಲಗಿರುವವರಿಗೆ ಸಣ್ಣ ಸಣ್ಣ ವ್ಯಾಯಾಮಗಳನ್ನು ಮಾಡಿಸಿ ಅವರ ತ್ವಚೆಯ ಬಗ್ಗೆ ಕಾಳಜಿ ತೆಗೆದುಕೊಳ್ಳಲು ನೀವು ಅವರಿಗೆ ಸಹಾಯ ಮಾಡಬೇಕಾಗುತ್ತದೆ.

Join more than 1 million learners

On Spark.Live, you can learn from Top Trainers right from the comfort of your home, on Live Video. Discover Live Interactive Learning, now.